Парвинанинг ҳикояси

Куни кеча Парвина ботаника ва инглиз тили имтиҳонларини муваффақиятли топшириб, 7-синфга ўтди. У бажонидил мактабга қатнайди, эндиликда уйда қолиб ўқиши керак бўлган вақтлар ортда қолди.

Парвина юрак нуқсони билан туғилган. Унинг биринчи операцияси ўзбекистонлик кардиожарроҳлар томонидан амалга оширилди. Иккинчи операцияни эса шифокорлар чет элда қилдириш зарур, деб айтишди. Лола Каримова-Тилляеванинг «Sen Yolg'iz Emassan» Фонди кўмаги билан 2015 йил декабр ойида қизалоқнинг юраги Тошкентда франциялик кардиожарроҳлар томонидан операция килинди.

Парвина ҳозир ўн тўрт ёшда, унинг энг катта орзуси келажакда шифокор бўлиш.

"Sen Yolg'iz Emassan" Фондининг молиявий кўмаги билан шу кунга қадар франциялик кардиожарроҳлар томонидан ўзбекистонлик кам таъминланган оила фарзандлари ва Меҳрибонлик уйи тарбияланувчиларига 110дан ортиқ мураккаб юрак операциялари бажарилди, улардан 20 таси Франциянинг Нант шаҳридаги клиникада амалга оширилди.