Умиданинг ҳикояси

Кичкинтой Умида Даун синдроми ва оғир юрак нуқсони билан дунёга келган. Иммунитети пастлиги туфайли, қизалоқ тез-тез касал бўлиб турарди. Узоқ вақт давомида шифохонада даволаниб, доим дори ичишига тўғри келар эди. Умиданинг аҳволи кун сайин оғирлашганлиги сабабли, унга ҳаётий муҳим жарроҳлик амалиёти зарур эди.

2020 йилнинг январь ойида "Sen Yolg'iz Emassan" Фондининг молиявий кўмаги билан, қизалоқнинг жажжигина юрагига операция бажарилди. Операциядан сўнг Умиданинг юракчаси соғайиб, умумий аҳволи эса кундан кунга яҳшиланиб бормоқда. Қизалоқ эмаклашни ҳам бошлади. Биз чин дилдан унга сиҳат-саломатлик тилаймиз.

Лола Каримова-Тилляева томонидан асос солинган Sen Yolg’iz Emassan" Фондининг молиявий кўмаги билан 2015 йилдан бери франциялик кардиожарроҳлар томонидан ўзбекистонлик кам таъминланган оилалар фарзандларига ва Меҳрибонлик уйи тарбияланувчиларига 130 дан зиёд мураккаб юрак операциялари бажарилди, улардан 21 таси Франциянинг Нант шаҳридаги клиникада амалга оширилди.