Нилуфар туғма юрак нуқсони билан дунёга келган. Туғилган пайтида, қизалоқ жуда нимжон бўлиб, ҳаётининг биринчи кунларини реанимация бўлимида ўтказди. Мураккаб юрак операцияси Нилуфар соғайиб кетиши учун ягона имконият эди.

Абдумажитова Азиза туғма юрак нуқсони билан дунёга келган. Қизалоқнинг аҳволи оғирлиги сабабли у тез-тез реанимация бўлимига ётқизилар эди. Ўткир нафас етишмовчилиги туфайли, Азиза ойига 3-4 марта касалхонада даволанишига тўғри келар эди. Ҳаётини сақлаб қолиш учун унга мураккаб операция зарур бўлган.

Врачлар Умиджонда юрак нуқсони ташҳисини ҳали туғилмасидан аввал аниқладилар. Эндигина дунёга келган гўдак икки кун давомида реанимацияда шифокорлар назорати остида бўлди. Юрак касаллиги туфайли бола кундан кунга заифлашиб борар, баданида кўкимтир доғлар пайдо бўлиб турарди. Умиджонга операция зарур эди.

Тўрт ёшли Абдураҳим яқинда болалар боғчасига қатнай бошлади. Бола юрак нуқсони билан дунёга келган. Мураккаб ташҳис боланинг ривожланишига таъсир этиб, уч ёшгача у гапиролмас ва юролмас эди, онаси уни доимо кўтариб юришга мажбур эди. Боланинг соғайиши учун операция жуда зарур эди.

«Русланнинг соғлиғи анча яхши. «Sen Yolg'iz Emassan» Фондига, Оливье Барон ва унинг гуруҳига катта раҳмат! Биз ҳамиша сизларни чуқур миннатдорчилик ва хурсандчилик билан эслаймиз.

Куни кеча Парвина ботаника ва инглиз тили имтиҳонларини муваффақиятли топшириб, 7-синфга ўтди. У бажонидил мактабга қатнайди, эндиликда уйда қолиб ўқиши керак бўлган вақтлар ортда қолди.

Шу йилнинг май ойида тўрт ёшли Ҳуррамов Сарварбекнинг жажжигина юраги операция қилинди.

Тумариснинг жажжигина юрагига амалга оширилган операция 7,5 соат давом этди. Ўша вақтда у ҳали 2 ойлик чақалоқ эди. Операцияни Лола Каримова-Тилляеванинг “Sen Yolg’iz Emassan” Фонди таклифи билан Тошкентга ташриф буюрган машҳур француз кардиожарроҳи Оливье Барон бажарди.

«Қизимга операция қилдириш учун имкониятимиз йўқ эди. Мен ишламайман, турмуш ўртоғим кира қилиб пул топадилар. Фарғона касалхонасида даволанаётганимизда шифокорлар бизга «Sen Yolg’iz Emassan» Фондига мурожаат қилишимизни маслаҳат беришди. Бу Фонд қизимизни ҳаётини сақлаб қолишга ёрдам берди», – дея ҳикоя қилади Муштарийбонунинг ойиси.