Дамирнинг ҳикояси

Кичкинтой Дамир яқинда 2 ёшга тўлади. У Даун синдроми ва юрак ҳасталигининг оғир тури билан дунёга келган. Касаллик туфайли бола жуда нимжонлашиб, тезда толиқадиган бўлиб қолган эди. Лола Каримова-Тилляеванинг "Sen Yolg’iz Emassan" Фонди кўмагида 2018 йил апрель ойида Дамирга франциялик етакчи кардиожарроҳлари томонидан тўрт соатлик юрак операцияси ўтказилди.

Муваффақиятли операция ва реабилитациядан сўнг Дамирнинг соғлиғи сезиларли яхшиланди. Энди болакай жуда ҳаракатчан ва қизиқувчан бўлиб қолди. У акаси билан ўйнашни, онаси ўқиб бераётган эртакларни тинглашни жудаям яхши кўради. Биз ушбу қувноқ ва ҳушчақчақ болажонга сиҳат-саломатлик ва бахт тилаймиз!

"Sen Yolg'iz Emassan" Фондининг молиявий кўмаги билан 2015 йилдан бери франциялик кардиожарроҳлар томонидан ўзбекистонлик кам таъминланган оила фарзандлари ва Меҳрибонлик уйи тарбияланувчиларига жами 90дан зиёд мураккаб юрак операциялари амалга оширилди, улардан 13таси Франциянинг Нант шаҳридаги клиникада бажарилди.