Геннадийнинг ҳикояси

Геннадий Тошкент шаҳрида жойлашган 30-чи Меҳрибонлик уйи тарбияланувчиси. У туғма юрак касаллиги билан ҳасталланган ва ушбу дард туфайли анча қийналар эди.

Лола Каримова-Тилляеванинг "Sen Yolg’iz Emassan" Фонди молиявий кўмагида франциялик кардиожарроҳлар томонидан Геннадийга 2017 йилнинг май ойида очиқ юрак операцияси бажарилди. Ушбу операция туфайли болакай юрак касаллигидан фориҳ бўлди.

Ижодга бўлган меҳри ва иштиёқи туфайли шу йилнинг апрель ойида Геннадий “Тинчлик ва дўстлик болалар бадиий фестивали. Италия – Ўзбекистон" ёш рассомлар танловида ғолиб бўлиш баҳтига муяссар бўлди.

"Sen Yolg'iz Emassan" Фондининг молиявий кўмаги билан 2015 йилдан бери франциялик кардиожарроҳлар томонидан ўзбекистонлик кам таъминланган оила фарзандлари ва Меҳрибонлик уйи тарбияланувчиларига жами 90дан зиёд мураккаб юрак операциялари амалга оширилди, улардан 13таси Франциянинг Нант шаҳридаги клиникада бажарилди.