История Хондамира

"Ўғлим Хондамир бир ойлигида шифохонага тушиб қолганда, врачлар унга туғма юрак нуқсони ташҳисини қўйишган. Тушкунликка тушиб, нима қилишни билмай, кардиологларга бориб юрганимда, улардан бири менга "Sen yolg’iz emassan" Фондига мурожаат қилишни тавсия қилди", - дея эслайди Миразизова Салима, Хондамирнинг онаси. Болажонга мураккаб юрак операцияси зарур эди.

2017 йилнинг декабрь ойида Лола Каримова-Тилляеванинг "Sen Yolg'iz Emassan" Фонди кўмагида, Хондамирга жарроҳлик амалиёти бажарилди. Франциялик кардиожарроҳ Оливье Барон томонидан амалга оширилган операция тўрт соат давом этди. Хозирги кунда болажон чопқиллаб соғ-саломат улғаймоқда.

"Sen yolg’iz emassan" Фондининг молиявий кўмаги билан 2015 йилдан бери франциялик кардиожарроҳлар томонидан 130 дан зиёд мураккаб юрак операциялари бажарилди, улардан 21 таси Франциянинг Нант шаҳридаги клиникада амалга оширилди.