Меҳрибонлик уйлари тарбияланувчилари "Автограф" галереясига ташриф буюрдилар

Кеча 22, 23 ва 30-Меҳрибонлик уйи тарбияланувчилари “Автограф” галереясига ташриф буюриб, Ўзбекистон анъанавий ва замонавий асарлари билан танишиб чиқдилар. Болалар расм, миниатюра, қўлда ясалган ўйинчоқлар, безаклар, ёғоч ва керамика буюмларини завқ ва қизиқиш билан томоша қилдилар.

Шунингдек, кўргазмада болалар учун санъат соҳасида танлов ўтказилди. Ғолиблар ва барча қатнашчиларга эсдалик совғалари топширилди.