Мирданиснинг ҳикояси

Мирданис яқинда 12 ёшга тўлди. У Даун синдроми ва туғма юрак нуқсони билан дунёга келган. Лола Каримова-Тилляеванинг "Sen Yolg’iz Emassan" Фонди кўмагида 2015 йилнинг октябрь ойида француз кардиожарроҳлар томонидан Мирданисга мураккаб юрак операцияси бажарилди. Ҳозирги кунда у ўрта умумтаълим мактабининг 3-чи синфида ўқийди, математика, бадантарбия ва мусиқа дарсларини жуда ёқтиради. Мирданис ақлли ва соғлом бола бўлиб ўсмоқда.

"Sen Yolg'iz Emassan" Фондининг молиявий кўмаги билан 2015 йилдан бери франциялик кардиожарроҳлар томонидан ўзбекистонлик кам таъминланган оила фарзандлари ва Меҳрибонлик уйи тарбияланувчиларига жами 90дан зиёд мураккаб юрак операциялари амалга оширилди, улардан 13таси Франциянинг Нант шаҳридаги клиникада бажарилди.