Пахлавоннинг ҳикояси

Пахлавоннинг ойиси вафот этганида болажон 15 кунлик чақалок эди. У отаси ва бобосининг қўлида катта бўлмокда. Пахлавон оғир юрак нуқсони билан туғилган ва унинг ҳаётини сақлаб қолиш учун мураккаб юрак операцияси қилиш зарур эди. Лола Каримова-Тилляеванинг “Sen Yolg'iz Emassan” Фонди кўмагида 2017 йилнинг январь ойида Франциялик етакчи жарроҳ Профессор Оливье Барон томонидан Пахлавоннинг жажжигина юракчаси операция қилинди.

Ҳозирда Пахлавон тўрт ёшга тўлди, ва жуда ширин ва оқкўнгил бола бўлиб улғаймоқда. Биз чин дилдан унга сиҳат-саломатлик тилаймиз. Парвардигордан ушбу самимий ва меҳрибон инсонларга баҳт-саодат ва ҳотиржамлик ато этишини чин кўнгилдан сўраб қоламиз. Барча қийинчиликлар ортда қолиб, бундан буён ҳаётлари фақат хурсандчиликларга бой бўлсин, фарзандларини роҳатини кўриб юришсин.

"Sen Yolg'iz Emassan" Фондининг молиявий кўмаги билан 2015 йилдан бери франциялик кардиожарроҳлар томонидан ўзбекистонлик кам таъминланган оила фарзандлари ва Меҳрибонлик уйи тарбияланувчиларига жами 90дан зиёд мураккаб юрак операциялари амалга оширилди, улардан 16 таси Франциянинг Нант шаҳридаги клиникада бажарилди.