Профессор Оливье Барон билан интервью

Етакчи франциялик кардиожарроҳлар билан ҳамкорликда Лола Каримова-Тилляеванинг «Sen Yolg’iz Emassan» Фонди мураккаб туғма юрак нуқсони билан хасталанган Меҳрибонлик уйи ва кам таъминланган оилалардан бўлган болажонларни операция қилиш борасида ёрдам кўрсатиб келмоқда. Сўнгги 4 йил мобайнида Фонд кўмаги билан француз шифокорлари томонидан 110дан зиёд мураккаб юрак операциялари амалга оширилди. Энг оғир ташҳисларга эга бўлган 20 нафар болажонларга операциялар Франциянинг Нант шаҳридаги клиникада бажарилди.

Шу йилнинг май ойида франциялик шифокорлар «Sen Yolg'iz Emassan» Фондининг таклифи билан Тошкентга 12-чи маротаба ташриф буюрдилар. Ташриф давомида француз кардиожарроҳлари «EraMed» клиникасида ўзбекистонлик ҳамкасблари, юқори малакали шифокорлар билан биргаликда бир қатор юрак операцияларини амалга оширдилар. Шунингдек, француз мутахассислар ўзбекистонлик шифокорлар билан болалар кардиожарроҳлиги ва диагностика соҳасидаги илғор тажрибаларини ўртоқлашдилар.

Франциялик кардиожарроҳларнинг «Sen Yolg'iz Emassan» Фонди билан ҳамкорлиги ҳақида профессор Оливье Барон интервьюсида томоша қилинг: http://bit.ly/2RQhNdr