Жовидоннинг ҳикояси

Бош миясида ўсимта аниқланганида, Жовидон 8 ёшда эди. Орадан бир йил утгач, 2013 йил май ойида Лола Каримова-Тилляеванинг "Sen Yolg'iz Emassan" Фонди кўмагида Япониянинг "Tokyo Women's Medical University Hospital" клиникасида машҳур нейрожарроҳ Ясуо Айхара (Yasuo Aihara) томонидан боланинг ҳаётини сақлаб қолган операция амалга оширилди..

“Ўғлимга шундай даҳшатли ташҳис қўйилди. Бизга, жуда кам вақт, деярли бир неча кун вақтингиз бор, дейишди. Кечикканимизни айтишди. Умидсизликка берилишга ҳаққим йўқ эди”, – дея эслайди Жовидоннинг ойиси Фарахбону. Яқинда Жовидон 15 ёшни қарши олди. У 9-синфни якунлаб, мактаб имтихонларига тайёрланяпти, инглиз ва немис тиллари, математика фанидан қўшимча дарсларга қатнаяпти. Кимё ва биологияга қизиқиши жуда катта. Келажакда эса Жовидон унинг ҳаётини сақлаб қолган япониялик доктор Айхара каби нейрожарроҳ бўлиш орзусида.